نرحب بمعلمنا بابا سمير فهمى

ردى ع. بابا سمير.. المدير الغالى !!

إبنى الحبيب فى المسيح ..
ومن غالى محبتكم كان هذا الترحيب بشخصى الضعيف ..
وإن كانت لى بصمة لقب أو إسم عابر ..
فبماذا إذا يسمى هذا العمل الرائع وهذا الصرح الإيمانى العظيم الذى غرستم ورويتم شتلاته ليكون هذا المنتدى !!!!

إن عملكم رائع يا حبيب الرب ..وتعليقا على تشابه الإسم ..
كتب لى عضو حبيب من أحد المنتديات يتابع أيضا خدمتى بالكنيسة ..
ياريتك ياغالى توعظنا بالعربى !!!!!
ورديت : أمال أنا بأوعظ بإيه ؟؟
قال : !!!....
قلت إزاى فهمنى ..
قال بصعيدى جوانى .صعب علينا دة إحنا فى القاهرة ....
لكن برضه مفهومة !!!!

قلت له الحمد لله ,,
إبنى الحبيب .. عايز أقول إن بينا إسم واحد ..
وأيضا موضوع واحد ..
هو يسوع !!!!! ومالوش غير معنى واحد .. يعنى المخلص !!!
تتقال عربى .. إنجليزى .. فرنساوى .. صعيدى واللا بحيرى بأى لغات الأرض ,,,!!!
هو المخلص .. بالألف واللام ..

وأعتقد بل ومتأكد إن الإسم العظيم دة (يسوع ) هو المفتاح الماستر .... هو المذكرة التفسيرية لكل لغتنا الأرضية اللى بنقراها ونكتب بيها وبنسمعها وبنفهمها بمصاحبة ومرافقة الترجمة السماوية ..

إبنى الحبيب بابا سمير وكل حبايبى وولادى وبناتى بالمنتدى الغالى ..
إن كان لينا بصمة مميزة تعبر عن قيمة خدمتنا وقيمة معطيها ..
لازم تكون بتكتب وبترسم وبتقول يسوع ..

فى كل خدمة وكل عطاء
فى كل فكرة وكل رأى أو مشاركة ..

بدة بس تكون لينا أسماء وألقاب .وخدمة تعيش وتكبر وتطرح ثمر ...
نور العالم .. ملح الأرض .. ذوى الأمجاد ..!!!!
وكلها زى ما إنتم وأنا شايفين ..
من صنع القدير ..

وهمسة أخيرة ..
ياترى كان أول الموضوعات شكله إيه؟؟
وإن كانت مفهومة ..
يارب تونسوا المقالة بسطرين غاليين يطمنونى ..

الجواب وصل ولا إتعطل ؟؟؟
أستمر واللا أتأجل ؟؟
بلاش ختم الزيرو دة اللى شكله يخض زوار البستان !!!!
وباين لونه فى المنتدى بيتمشى بحرية !

ودمتم بكل الخير
سمير فهمى
خادم الرب